[ներգործական բայ]
1. Փեղկերն իրար բերելով՝ մասերը միացնելով ևն ներս մտնելն անհնարին դարձնել, ծածկել: Դուռը՝ պատուհանը փակել:
2. Կափարիչը դնելով՝ վրան բերելով բացվածքը ծածկել: Արկղը՝ անոթը փակել:
3. Բանալիով կողպեքը կողպել, կողպեքը՝ փականքը բանալիով փակ վիճակի բերել:
4. Կողպեքով՝ փականքով՝ փակով կողպել, փակը՝ կողպեքը գցել:
5. Բացված գիրքը՝ տետրը՝ մատյանը ևն ծածկել, ծալելով՝ իրար վրա բերելով փակ դարձնել:
6. Դուռը՝ մուտքը ևն կողպելով ելումուտն արգելել: Գերիներին փակեցին ամրոցում:
7. Որևէ տեղի մուտքը դադարեցնել՝ արգելել: Սահմանը փակել:
8. (փոխաբերական) Պատել, ծածկել, բռնել: Խռոված տարերք իրար են եկել, երկինք ու եզերք փակել, մթագնել (Հ. Թումանյան):
9. (փոխաբերական) Բանտարկել, գցել, բանտում պահել: Քեզ կտանեին Պարսկաստան, այնտեղ կփակեին Անուշ բերդում (Րաֆֆի):
10. Որևէ տեղ դնելով՝ լցնելով պահել: Խորհրդավոր վարպետի գործիքները բերում են թագավորի ննջարանին կից սենյակում փակում (Հ. Թումանյան):
11. Բերանը՝ բացված անցքը խցանով՝ կափարիչով ևն ծածկել՝ խցել: Շշի բերանը փակել:
12. Գործունեությունը՝ աշխատանքը՝ գործառնությունը դադարեցնել, որևէ հիմնարկության՝ հաստատության ևն գործունեությանը վերջ տալ, լուծարքի ենթարկել: Ստացե՛ք նախապես Միքայելի հաշիվները և Մոսկվայի առևտրական տունը փակեցե՛ք (Րաֆֆի):
13. Գործառնությունն արգելել՝ արգելքի ենթարկել: Ցարական կառավարությունը փակել Էր հայկական դպրոցները (Ավ. Իսահակյան):
14. Ամենօրյա աշխատանքային ժամերից հետո գործունեությունը դադարեցնել, կողպել: Խանութները փակում Էին սովորաբար ժամը 10-ին:
15. Գործունեության՝ պարապմունքների ժամանակավոր դադար՝ ընդմիջում՝ արձակուրդ տալ: Դպրոցներն արդեն փակել Էին, և աշակերտները գնում Էին կոլտնտեսության աշխատանքներին մասնակցելու:
16. Անցումը՝ անցուդարձը խափանել՝ կապել: Ձյունը փակել Էր ճանապարհը:
17. Երթևեկությունը արգելել: Փողոցներն արդեն փակել Էին. շքերթն սկսվել Էր:
18. Վերջացնել, ավարտել: Կոլտնտեսությունը տնտեսական տարին փակել Է հսկայական եկամուտով:
19. Վերջ տալ, դադարեցնել, չթողնել որ շարունակվի: Վարդանը շտապեց փակել անախորժ վեճը (Դ. Դեմիրճյան):
20. Եզերել, շրջափակել, պատել, պատնեշ կամ սահման կազմել: Քաղաքի արևմտյան սահմանը փակում Էր անտառի ստորոտով հոսող գետը:
21. Շրջապատել, շրջափակել: Ամրոցը չորս կողմից փակել Էին վիթխարի ապառաժները:
22. Ընթացքը՝ հոսանքը կապել՝ արգելել, պատնեշել, պատնեշ՝ պատվար դնել: Փակեցին գետի ընթացքը և ջուրն ուղղեցին դեպի ղռերը:
23. Ջրի՝ էլեկտրահոսանքի՝ գազի ևն հոսանքը դադարեցնել: Մեկը նոր գլխի ընկավ, որ կարելի Է փակել ջրի ծորակը (Բ. Վերդյան):
24. Անցման՝ կիրճի ևն մուտքը կամ ելքը բռնել, անցումն արգելել: Յոթ հոգի պետք Է փակի կիրճի մուտքը (Րաֆֆի):
25. Շարասյան՝ երթի՝ թափորի վերջնամասը կազմել, շարքը՝ շարասյունը վերջավորել: Եվ մեկը մյուսի հետևից գնում Էին կանայք՝ իրենց երեխաներին գրկած, իսկ վերջում երթը փակում Էին տղամարդիկ (Ն. Կազանձակիս):
26. Շրթունքները՝ կոպերը՝ մատներն իրար բերելով բերանը՝ աչքերը՝ ձեռքի ափը խփել՝ խուփ անել:
27. Վարագույրն (վարագույրներն) իջեցնելով բեմը՝ բեմահարթակը՝ պատուհանները ևն ծածկել:

նբ. I. Կողպնլ, գոցել, աղւխել (բանալիով): 2. Ծածկել, խփել, վրա դնել (դուռը): 3. Որմել, որմնապատել (պատի), ցանկել (ցանկով), պատ անել, պատ շինել, պատ քաշել; 4. Նգել (նիգով): 5. Կալնել, խցանել, խցել, կալցնել, անցքը կալնել, անցքը բռնել, առաջը բռնել: 6. Պատվարել (առաջը): 7. Շւրջափակել, պարփակել, ներփակել, ամփոփել (իր մեջ): 8. Արգելել, խափանել, արգելք լինել, թույլ չտալ; 9. Լռւեցնել, կարկել (մեկի բերանը): 10. վերջացնել, լ-մնցնեյ (արևմտհ.) (վեճ, նիստ, ժողով):

բացել

եցի 1. Запирать, запереть. 2. Затворять, затворить. 3. Закрывать, закрыть. 4. Замыкать, замкнуть. 5. Заграждать, заградить, преграждать, преградить. 6. Прекращать, прекратить, завершать, завершить. ◊ Աչք փակել, բերանը փակել և այլն, տե՛ս կապակցությունների առաջին բառերի տակ։