[ներգործական բայ]
1. Ձգել, ուժ գործադրելով դեպի իրեն ձգել:
2. Ուժ գործադրելով տանել՝ կրել՝ իր ետևից քաշ տալ: Քաշի՛, եզը, ուսիդ մատաղ, քաշի՛, քաշենք, վար անենք (Հ. Թումանյան):
3. Ձգելով մի բանի ամրացնել: Ձկան կաշի են քաշել դափի վրա:
4. Ամփոփել, ետ տանել, հավաքել: Արևն իր վերջին շողերը քաշել Էր լեռների ետևը (Հ. Թումանյան):
5. Ձգել, դեպի իրեն հրավիրել՝ դարձնել: Ինձ քաշում Է ծովը Վանա, կարծես մորս արցունքն Է նա (Հ. Շիրազ):
6. Գրավել, գերել, հրապուրել: - Տե՛ս հմայքներս քաշող, օ՜ հավատա, որ չէ թանկ, եկուր, անցորդ, եկ երթանք,- հնչեց ձայն մը փաղաքուշ (Ա. Վշտունի):
7. (փոխաբերական) Կանչել, տանել, մղել: Զարթնելով սերը երկու սրտերում, աղբրի ափերն են միշտ նրանց քաշում (Վ. Միրաքյան):
8. Ծծելով ներս առնել, ներծծել, ներքաշել: Ստեփանիկը մոր գրկում ագահությամբ ներս էր քաշում կաթը (Ն. Զարյան):
9. Ծխել: Ծխախոտ քաշել:
10. Իր ետևից տանել, առաջնորդել, տանել: Անծանոթը նրան քաշեց դեպի անտառի խորքը:
11. Ծծել, հեղուկը՝ խոնավությունը իր մեջ առնել: Ջուր՝ խոնավություն քաշել:
12. Տանել, հեռացնել, դուրս բերել: Հրաման տու՛ր պարսից հրամանատարին, որ զինվորներին քաշե քաղաքից (Դ. Դեմիրճյան):
13. Ձգելով հանել՝ պոկել: Ատամը՝ արմատը քաշել:
14. Սարքել: Մետաղալար քաշել:
15. Ձգողական ուժի ազդեցության ենթարկել, ձգել:
16. Կշռել:
17. Որոշ քաշ՝ կշիռ ունենալ: Երեք հազար լիտր Էր քաշում հսկայական իր մկունդը (Հ. Թումանյան):
18. Զենք բարձրացնել: Մաուզերը քաշեց ու կանգնեց նրա դեմ (Ե. Չարենց):
19. Կլանել, իր ներսը՝ խորքը տանել: Նավաբեկյալներին ջուրը քաշեց ու անհետացրեց իր ծոցում:
20. Խլել, տանել, հափշտակել: Ուտում Էին անհագ ախորժակով, երբեմն իրար առջևից համեղ պատառներ քաշելով (Ս. Զորյան):
21. Կորզել, յուրացնել: Աչքըդ թեքեցիր - բանիդ տերը չես. քաշում են տանից, քաշում են դռնից (Հ. Թումանյան):
22. Ետ քաշել, վերցնել, հավաքել, բացել, վրայից առնել: Վարագույրը՝ ծածկոցը քաշել:
23. Հավաքելով՝ մի բանի մեջ լցնելով վերցնել: Քափը՝ երեսը քաշել:
24. Օղի՝ ձեթ ևն հանել:
25. Նմանվել, ընկնել, նմանություն ունենալ: Հորը՝ մորը քաշել:
26. Նեղության՝ տանջանքի ևն ենթարկվել, կրել: Թե իմանաք՝ ինչ եմ քաշում ես դրա ձեռից (Հ. Թումանյան):
27. Կրել, տեղափոխել, տանել: Հոգնած ձիերը վերջին ճիգերն Էին անում ծանր բեռը քաշելու համար (Ա. Բակունց):
28. Տևել: Քանի՞ օր կքաշի գնալ-գալդ:
29. Կառուցել, կանգնեցնել (պատ, պատնեշ ևն):
30. Որևէ բանի ենթարկվել: Ցավ՝ կարոտ՝ պակասություն քաշել:
31. Գծել:
32. Նկարել, լուսանկարել:
33. Շրջափակել, պատել: Շուրջը երկաթե ճաղեր ու ցանց քաշեցին:
34. Ծածկել, մի բանով պատել: Վերմակը քաշիր երեխայի վրա:
35. Վրան առնել՝ գցել: Վերարկուն՝ թիկնոցը վրան քաշել:
36. Մի տեղ տանել, դեպի որևէ տեղ՝ կողմ տանել: Մեկը պատի տակը քաշեց տանուտերին (Հ. Թումանյան):
37. Գցել, ձգել: Յուր սև համրիչի հատերն Էր քաշում (Հ. Թումանյան):
38. Քսել, ներկել: Կարծես դեղդիր Էր քաշել արնոտ աչքերին (Ե. Չարենց):
39. (խոսակցական) Խփել, հարվածել, ապտակել:
40. Կանչել, ենթարկել: Դատի՝ պատասխանատվության քաշել:
41. Ձգել, տարածել, երկարությամբ գցել՝ ամրացնել: Պատից-պատ քաշում Է պլակատ՝ ֆոնը սև, տառերը կարմիր (Ե. Չարենց):
42. Սարքել, կառուցել: Կամուրջ՝ առու՝ ճանապարհ քաշել:
43. Վերցնել, ձեռքն առնել (ուսից իջեցնելով, պատյանից հանելով ևն): Հրացանս ուսիցս քաշեցի ու նշան բռնեցի (Ս. Խանզադյան):
44. Մոտեցնել, մոտ տանել՝ բերել: Գրիգորը երեխային նստեցրեց թախտի վրա և թասով ջուրը քաշեց նրա առջև (Նար-Դոս):
45. Հավաքել, կուտակել: Շիկացած ածուխները մի կողմի վրա Էին քաշել և մեջը ձգել խոշոր խիճեր (Րաֆֆի):
46. Ներգրավել, ընդգրկել, ներքաշել: Մի քանի սեպուհներ քաշել եմ մեր ուխտի մեջ (Դ. Դեմիրճյան):
47. Անց կացնել մի բանի վրա: Շամփուրի՝ ձողի վրա քաշել:
48. Կծկել, կուչ բերել, դեպի ներս տանել: Արևիկը գլուխը քաշեց ուսերի մեջ և լուռ մնաց (Ս. Խանզադյան):
49. Հագնել: Նա ոտքերին քաշեց սև կոշիկները և դուրս եկավ տնից (Ս. Խանզադյան):
50. Քաշ տալ, գետնաքարշ տանել: Ձիու պոչից կապելով քաշեցին գետնի վրա (Ղ. Աղայան):
51. Փակել, ծածկել, գոցել: Դուռը՝ վարագույրը քաշել:
52. (գավառական) Սեղան բացել, սեղանը պատրաստել:
53. Կազմում է բազմաթիվ բառակապակցություններ, ինչպես՝ վեր(և) քաշել, ներքև քաշել, ցած քաշել, ախ քաշել ևն, որոնք տե՛ս առաջին բառերի տակ:
54. Մի կողմ դնել, մի կողմ տանել, հեռացնել, վերցնել: Աթոռն այդտեղից քաշի՛ր, խանգարում Է:
55. (խոսակցական) Անհաջողության մատնել, ձախողել, կոտր գցել: Երեկ դուք մեզ լավ քաշեցիք:

1տե 1ՈԳՈԼ|էլ:

եցի 1. Тянуть, потянуть. 2. Натягивать, натянуть. 3. Пропитывать, пропитать. 4. Выводить, вывести. 5. Дёргать, выдёргивать, выдернуть, рвать, вырывать, вырвать. 6. Вытаскивать, вытащить. 7. Взвешивать, взвесить. 8. Снимать, снять. 9. Уродиться в кого (разг.), удаться (разг.) выйти (разг.), пойти (разг.), выдаться (прост.) 10. Переносить, перенести (муки). 11. (բրբ.) Съездить, ударить. 12. Проходить, пройти (о времени). 13. Накидывать, накидать, накинуть. 14. Вешать, повесить. 15. Втягивать, втянуть. 16. Притягивать, притянуть. 17. Притворять, притворить (дверь). ◊ Ախ քաշել, Առաջ քաշել, Գլխին քաշել, Գլուխ քաշել, Դանակ քաշել, Դարդը քաշել, Դուրս քաշել, Ետ քաշել, Խազ քաշել, Խաչ քաշել, Խոսք քաշել, Կարոտ քաշել, Հոգս քաշել, Հոտ քաշել, Ձեռ(ք) քաշել, Մեջտեղ քաշել, Նեղություն քաշել, Շամփուրը քաշել, Շունչ քաշել, Շունչը իրեն քաշել, Պատկերը քաշել, պոչը քաշել, Սանձը՝ սանձերը քաշել, Սրի քաշել, Վեր քաշել, Տախտակ քաշել, Ուսերը վեր քաշել, Փասափուսեն քաշել, Քեֆ քաշել, Քիթը վեր քաշել, Օղի քաշել, Օր քաշել, տե՛ս կապակցությունների առաջին բառերի տակ: