իջնել - բացատրություն

[չեզոք բայ]
1. Բարձր տեղից ցած գալ՝ գնալ: Դժվար Է մի քանի անգամ 4-րդ հարկից իջնել ու բարձրանալ:
2. Հեծած՝ նստած տեղից կամ փոխադրամիջոցից վեր գալ՝ գետնին կանգնել: Ձիուց իջնել:
3. Խորանալ, դեպի խորքը գնալ: Թունելագործները 500 մետր իջել են:
4. Ընկղմվել, սուզվել, ջրի տակ՝ հատակը գնալ: Տիղմը իջավ հատակը:
5. Դեպի ցած ուղղվել՝ դառնալ: Հայացքը իջավ նրա տխուր դեմքին:
6. Ընկնել՝ հենվել՝ հանգչել մի բանի վրա: Գլուխն իջավ բարձին:
7. Ընկնել, դեպի ցած տարածվել: Վարագույրն իջավ:
8. Կախվել, կախված դրություն ունենալ, դեպի ցած հակվել: Ու բեղերը: - Երկու դեղին, ոլորած, երկու խուրձ հրեղեն, որ, ծանր իջնելով կզակի վրա, նրան տալիս էին <<քաջի>> համարում (Ե. Չարենց):
9. Բարձրությունը նվազել՝ փոքրանալ: Սավառնակը մի փոքր իջավ:
10. Գետնին նստել, վայրէջք կատարել: Ուղղաթիռն իջավ հրապարակը:
11. Ձայնի աստիճանը ցածրանալ: Նրա ձայնը միանգամից Իջավ:
12. Նվազել, պակասել: Ջերմությունն իջել Է: Կա մի արև անեզրական, որ չի իջնում ու մարում (Ե.Չարենց):
13. Թուլանալ, փոքրանալ: Ճնշումն իջել Է:
14. Մեղմանալ: Բարկությունն իջնել:
15. Իջևանել, մի տեղ մնալ: Հյուրերը նրա տանն են իջել:
16. Կանգ առնել, ճանապարհորդությունը դադարեցնել: Սևանում իջանք և մի ժամի չափ ման եկանք:
17. Ստորանալ, անարգ վիճակի հասնել: Ինչպե՞ս կարող է մարդ այդքան իջնել:
18. Բախվել, խփվել, հարվածվել: <<Շերեփն իջավ ճակատին>>:
19. Տեղալ: Ձյունը իջնում է ու նստում ծառերի ճյուղերին, գետնին, ամեն տեղ:
20. Վերևից դեպի ցած հոսել: Այդտեղ գետը համեմատաբար հանդարտ է իջնում:
21. Մակերևույթը ցածրանալ, նստել: Սևանը շատ է իջել:
22. (թղթախաղ) Խաղաթուղթը սեղանի վրա դնել՝ բացել, վեր գալ:
23. Որոշ գումար հատկացնել՝ տալ: Ամեն մեկը տասը ռուբլի է իջել:
24. Թեքությամբ՝ զառիվայր ճանապարհով դեպի ցած շարժվել՝ գնալ՝ գալ: Քանաքեռի խճուղով դանդաղ իջնում էր մեքենան:
25. Օդի վերին շերտերից դեպի ցած թռչել: Ցին ու ագոավ իջան ամպից, ագահ սիրտը լափեցին (Ավ. Իսահակյան):
26. Ընկնել, թափվել: Տերևները դալուկ, դեղին իջնեն (Ավ. Իսանակյան):
27. Փոքրանալ, ծավալը նվազել, ուռածությունն անցնել: Փորն իջել է:
28. Նստել, վայր գալով թառել: Արագիլն իջավ բարդի ծառին:
29. Որևէ մակերեսի վրա մի բան գոյանալ: Դեմքին կնճիռներ են իջել:
30. Էժանանալ, գինը պակասել: Ապրանքների գներն իջել են:
31. Ժամանակավոր բնակության տեղ գրավել, իջևվան՝ կացարան սարքել: Նրա մի կողմը թուրք սարվորն է իջնում իր բինեն զարկում, մյուս կողմը՝ հայը (Հ. Թումանյան):
32. Բնակություն հաստատել, բնակավայր դարձնել: Այստեղ են իջել մեր նախահայրերը, այստեղ են մեր հայրերի, պապերի, նախապապերի գերեզմանները, այստեղից մենք ու՞ր գնանք,- այսպես պատասխանեց կաթողիկոսը բռնակալին:
33. Հետզհետե բարձրությունը նվազել: Սևանից Երևան բարձրությունը ծովի մակերևույթից աստիճանաբար իջնում է մինչև հազար մետր:
34. Թեքություն՝ վայրէջք կազմել: Զառիվայրերն երկու կողմից իջնելով, ձորի խորության մեջ հանդիպում են իրար (Հ. Թումանյան):
35. Դեպի ցած տանել, զառիվայրով՝ թեքությամբ՝ վայրէջքով ձգվել: Այդտեղ ճանապարհն իջնում է դեպի ձորը:
36. Հյուսիսից դեպի հարավ գնալ՝ ուղղվել՝ գրոհել՝ ձգվել: Ոչ թե ենթադրում, այլ հաստատապես համոզված եմ, որ Գերմանիան իջնելու է Բալկանները (Վ. Դաքեսյան):
37. Հարվածել, խփել, հարված հասցնել: Մեջքին՝ գլխին իջնել:
38. Ամառանոցից ետ գալ: Սար գնացողները իջել են արդեն:
39. Մաքրվել, վերանալ, դուրս գալ: Շորին թանաք է քսվել ու չի իջնում:
40. Վատանալ, ցածրանալ, ընկնել (որակը, կարևորությունը, մակարդակը ևն): Գիտական մակարդակը իջել է:
41. Նվազել, թուլանալ, խստությունը՝ լրջությունը պակասել: Պահանջկոտությունը բոլորովին իջել է:
42. Գործածվում է պարզապես գնալ կամ գալ, անցնել մեկի մոտ նշանակությամբ, եթե գալու կամ գնալու տեղը ավելի ցածր է, քան եկողի կամ գնացողի տեղը: Քանաքեռում է ապրում, բայց ամեն օր իջնում է ինձ մոտ:
43. (փոխաբերական) Գալ, այցելել: Իջե՜ք, իջե՜ք երազներ (Լ. Շանթ):
44. Վերադասից ստորադասին ուղարկվել՝ հղվել: Վարչությունից նոր կարգադրություն է իջել:
45. Տարածվել, փռվել, ընկնել, պատել: Գիշերը, խոր, իջել է վար... Մութը իջավ համատարած (Ե. Չարենց):
46. Համակել, պատել, տոգորել: Իջել է իմ սրտի վրա գարմանալի հանգստություն (Ե. Չարենց):
47. Հեռանալ, դադարել, վերանալ: Ժպիտը երեսից չի իջնում:

իջնել - հոմանիշներ

չբ. 1. Ներքևանալ, վայր գալ, վեր գալ, ցած գալ, ցած գնալ, վար գալ, (հզվդ.) առորիջանել, ստորել, վայրագայել: 2. Տես Իջևանել; 3. Ցածանալ, նստել, կքել, խնչել, (հնց.) գճվել, զնստել, զնստանել (տունը, տանիքը, պատը): || Ներս ընկնել, նստել, (բրբ.) խժկել, խժկոտել, խճկել (բշտիկները): 4. Պակասել, ընկնել, ցածանալ, նվազել (ջերմությունը): 5. Մեղմանալ, հանդարտել (զայրույթը): 7. էժանանալ, զեղչ(վ) ել (արժեքը): 8. Խոնարհվել, ստորանալ: 9. Սուզվել, ընկղմվել, խորասուզվել: 10. Խաղալ (խաղաթղթի):

իջնել - հականիշներ

բարձրանալ

իջնել - ռուսերեն թարգմանություն

իջա 1. Спускаться, спуститься, опускаться, опуститься. 2. Снижаться, снизиться. 3. Сходить, сойти.4. Слезать, слезть. 5. Садиться, сесть, высаживаться, высадиться. ◊ Գերեզման իջնել сойти в могилу. Ջերմությունն իջավ температура спала.

իջնել - անգլերեն թարգմանություն

1) descend,come down,go down,whip down,go downstairs,lash down,get down,run down
2) lower,drop,recede
3) land,touch down,splash down,come down

իջնել - դարձվածքներ

դարձվածքներ չեն գտնվել