[ներգործական բայ]
1. Շինվածքը (շենքը, սենյակը ևն) ծածկով պատել, ծածկ սարքել:
2. Մեկի՝ մի բանի վրա ծածկոց գցել, վրան բան գցել:
3. Գլխին դնել՝ հագցնել (գլխարկ):
4. Մի բանի մակերեսը պատել, շերտ կապել: Ձյունը ծածկել Է գետինը:
5. Մի բանի վրա կախել՝ հովանի անել: Ուռիներ են կանաչել ու ծածկել շիրիմը:
6. Փակել, վարագուրել: Փողոցին նայող միակ պատուհանը շորով էին ծածկել:
7. Պատել, տոգորել, բռնել: Թանձր խավարը ծածկել Էր երկիրը:
8. Փակել, կողպել: Դուռը ծածկի՛ր:
9. Հողի շերտի տակ պահել, թաղել, հորել: Ժլատն ամեն օր հանում Էր գանձը, նայելով ուրախանում և նորից հողի տակ ծածկում:
10. Բացվածքը՝ անցքը փակել՝ կալնել: Դռան ճեղքը լաթի կտորներով Էին ծածկել:
11. Որոշ տարածություն ամբողջապես պատել՝ բռնել՝ գրավել՝ զբաղեցնել: Զորքը ծածկել էր ամբողջ հովիտը:
12. Մեկին՝ մի բան իր մեջ առնել՝ ընկղմել: Շուտով ջուրը դուրս ցցված կայմն Էլ ծածկեց:
13. Թաքցնել իր մեջ կամ իր ետևում, քողարկել, տեսադաշտից անջատել: Բարձր ծառերը նրան ծածկեցին իրենց ետևում:
14. Փռել, տարածել, գցել (սփռոց, կարպետ, գորգ ևն):
15. Բարակ շերտով պատել, բարակ շերտով քսել: Ամբոջ երեսը շպարով Է ծածկել: Չգիտեմ՝ տգիտությա՞մբ, թե չարությամբ արձանագրությունը ծեփով Էին ծածկել:
16. Թաքցնել, գաղտնի պահել: Ազնիվ ընկերը իր ընկերոջից այդ բանը չէր ծածկի:
17. Պահել, գաղտնարանում՝ թաքստոցում թաքցնել: Կուլակներն իրենց ցորենը ծածկում Էին ապահով տեղերում:
18. Անթափանցելի դարձնել, առջևը պատել: Ծիրանի ճյուղերը ծածկում Էին լուսնյակի ու աստղերի լույսը (Ա. Բականց):
19. Զսպել, չարտահայտել, չդրսևորել: Բայց չվրդովե՜ք գրությամբ նրան, ով հպարտությամբ իր վիշտը ծածկեց (Գ. Էմին):
20. Գրերով պատել՝ լցնել: Նա տենդորեն ծածկում Էր թղթի կտորը խճճված բանաձևերով <<Ֆիզիկոսները կատակում են>>:
21. (փոխաբերական) Գերակշռելով խեղդել՝ խլացնել: Աղմուկը ծածկեց նրա ձայնը:
22. (փոխաբերական) Հավասարակշռել, ծախսերն արդարացնել, փոխհատուցել: Այս հանգամանքը... արդյունք բերավ գանձարանին՝ լիուլի ծածկելով պատերազմական վնասները (Մուրացան):
23. Փակել, արգելք ստեղծել: Հսկայական ժայռաբեկորը գլորվել էր ցած ու ծածկել անցումը:
24. (փոխաբերական) Չեզոքացնել, վերացնել, աննկատելի դարձնել, տպավորությունը ցրել: ...Ոմանք էլ տանտիկնոջ խայտառակությունը ծածկելու համար վկայեցին, թե իրավ բալը շատ թանկ է (Հ. Թումանյան):
25. (փոխաբերական) Սքողել, որևէ բանի արտահայտությամբ համակել: Տխրության քողը ծածկեց նրա գունատ դեմքը (Արթ. Ֆելիչե):
26. (փոխաբերական) Որևէ բանի տարափի տակ առնել, որևէ բան առատությամբ թափել մեկի՝ մի բանի վրա: Ծաղկեփնջերով ծածկեցին հոբելյարին:
27. (գիտական) Համապատասխանել, իրար ճշտորեն բռնել, համընկնել: Եթե հայերեն բառը ծածկում է պարսկական ձևը, ապա փոխառյալ է:
28. (փոխաբերական) Պատել, համակել, լցնել (զգացմունքների մասին): Նոր վշտեր հոգին կծածկեն:
29. (մեղմախոսություն) Զուգավորվել: Մսրա Զամբիկն աստղերի տակ վրնջաց, Մհերի ձին ծածկեց նրան (Մ. Խերանյան):
30. (թղթախաղ) Կտրել:

նբ. 1. Փակել, գոցել, խփել, ետ անել, ե.տ դնել, վրա դնել (դուռը), վրա տալ, բերնին դնել, երես քաշել, վրա բերել (կափարիչով): 2. Պատել, վեր արկ ել, քաշել, սալարկել (հարթ մակերեսի: Երեսապատել, երեսարկել, երես Ել: 3. Թաղել (մի բանի մեջ): 4. վարագուրել, քողարկել, սքողել, պահել, թաքցնել, կոծկել. թանգուզել (արևմտհ.), (հզվդ.) ստորածածկել, ներպարունակել, պարածածկել, պարասքողել. թաք կացնել, տակովն անել (որևէ բան ուրիշից): 5. Պատրրվակել, (հզվդ.) գաղել, պարտակել (հանցանքը): 6. Վերարկել (հնց.) 7. Փաթաթել, պարտակել, շոլորել (բրբ-) (թեթևակի):

բացել

եցի 1. Покрывать, покрыть. 2․ Закрывать, закрыть. 3. Надевать, надеть (о головном уборе). 4. Обволакивать, обволочь, заволакивать, заволочь. 5. Затворять, затворить, притворять, притворить. 6. Стелить, расстилать, расстелить. 7. Скрывать, скрыть. 8. Укрывать, укрыть.