շրջադարձի, շրջադարձեր, [գոյական]
1. Դիրքի՝ կեցվածքի ևն փոփոխություն պտուտական շարժումով, պտույտ գործելով դիրքը փոխելը: Նա տեղում շրջադարձ կատարեց և իր առջև գտավ անսպասելի հակառակորդին:
2. Դեպի աջ կամ ձախ, ետ կամ կողք կատարվող շարժում, ընթացքի շեղում դեպի աջ կամ ձախ կամ դեպի ետ: Անկյունում մեքենան շրջադարձ կատարեց ու կորավ նրա տեսադաշտից:
3. Կտրուկ և լիակատար փոփոխություն որևէ բանի զարգացման՝ ընթացքի մեջ, բեկում: Նրանք դժգոհ էին դեպքերի այդպիսի շրջադարձից (Ա. Դյումա):
4. Այն տեղը, որտեղ ճանապարհը՝ գետը ևն թեքվում՝ ծռվում է դեպի աջ կամ ձախ կամ դեպի ետ: Նա կանգ առավ առաջին իսկ շրջադարձի մոտ:

գ. I. Բեկում; 2. Կեռման, ոլորան (ճանապարհի):

ի 1. Поворот. 2. (փխբ.) Перелом, поворот.