[ներգործական բայ]
1. Որևէ բանի տեր լինել, սեփականատիրական իրավունքով տիրություն անել, տիրել: Հայրապետական տունը ուներ այնքան կալվածներ, որքան չուներ մի մեծ նախարար (Րաֆֆի):
2. Իր տրամադրության տակ պահել, իր տրամադրությանը ենթակա՝ վերապահված լինել (օգտագործման, կառավարման ևն համար): Սովետական Միությունը ընդհանրապես ոչ մի ռազմական բազա չունի ուրիշ պետությունների տերիտորիայում:
3. Օժտված լինել: Նա այնքան ընդունակություն չունի, որ կարողանա ինքնուրույն կերպով սովորել:
4. Ձեռք բերած լինել, տիրապետել: Գիտելիքներ՝ հմտություն՝ վարժություն ունենալ:
5. Որոշակի տարածություն՝ չափ ևն կազմել, տարածվել: Նրանցից մեկը կես արշին բերան ուներ (Ա. Բակունց): Ճանապարհը տասնութ կմ երկարություն ունի:
6. Բաղկացած լինել, կազմված լինել: Տնակը ունենում է երկու սենյակ (Հ. Թումանյան):
7. Օժտված՝ հավելված՝ լրացված լինել: Սենյակներն ունեն իրենց գաղտնի անցքերը (Րաֆֆի):
8. Որոշ հատկությամբ բնորոշվել, որոշ հատկություն՝ բնույթ կրել: Հյուլեները ունեն իրար ներհակ զորություններ (Հ. Թումանյան):
9. Որպես մաս՝ բաղադրիչ ևն պարունակել՝ ներառել՝ ամփոփել: Կլոր բլուրը մի լերկ տափարակ ուներ իր գագաթի վրա (Վրթ. Փափագյան):
10. Հարաբերության՝ առնչության մեջ լինել, կապված՝ առնչված լինել: Նա լավ ընկերներ ունի:
11. Մի շարք գոյականների հետ նշանակում է գոյականի ցույց տված գործողությանը ենթարկվել՝ արժանանալ: Ամոթ ունենալ =ամաչել, պատիվ ունենալ =պատվված լինել, արժանանալ պատվի:
12. Նույնպիսի գոյականների հետ ցույց է տալիս գոյականի նշանակած գործողությունը՝ և՛ կրավորական չեզոք, և՛ ներգործական սեռով:
Հարգանք ունենալ՝
ա) Հարգանքի զգացում ունենալ, հարգանքի զգացումով օժտված լինել:
բ) Հարգվել, հարգանքի արժանանալ:
Պատկառանք ունենալ՝
ա) Պատկառանքի արժանանալ:
բ) Պատկառանքի արժանացնել:
13. Լավ հարաբերության մեջ լինել, համերաշխ լինել: Ճիշտն ասած, խելքն ու սիրտը իրար հետ Էնքան Էլ չունեն մեր օրերում (Շեքսպիր):
14. Վիճակ՝ հատկություն՝ բնավորություն ևն ցույց տվող գոյականների կապակցությամբ և հաջորդող անորոշ դերբայով դրված բայի հետ ցույց է տալիս այդ բայով արտահայտված գործողության կատարումը՝ որպես գոյականի ցույց տված հատկանիշի (հատկության, վիճակի ևն) արդյունք՝ հետևանք: Նա քաջություն ունեցավ ճշմարտությունը երեսին ասելու: Խիզախություն չունեցավ նրա հետ վիճելու: Համարձակություն չունեցավ խոսելու: Հիմարություն ունեցավ հավատալու:
15. Բազմաթիվ գոյականների կապակցությամբ ցույց է տալիս գոյակպնի ցույց տված գործողության՝ երևույթի կատարումը: Մի հաճախորդ հարսանիք ունի (Ա. Բակունց): Փոթորիկ չենք ունենա (Վր. Փափազյան): Նվագահանդեսից նետո կունենանք պարահանդես (Մուրացան):
16. Բազմաթիվ գոյականների կապակցությամբ նշանակում է դրսևորել՝ արտահայտել գոյականի ցույց տված վերաբերմունքը՝ մտայնությունը՝ տրամադրությունը ևն: Այդ գործիչները բարյացակամ վերաբերմունք ունեն դեպի սոցիալիստական երկրները: Մասնակցություն՝ առնչություն՝ հակառակություն՝ ատելություն՝ սեր ունենալ:
17. Որևէ բանի հետ կապված լինել, որևէ բանի հետևել՝ պատկանել՝ դավանել: Ես կրոն չունեմ (Դ. Դեմիրճյան): Դժվար բան է հայրենիքը, ամեն մարդ չի կարող հայրենիք ունենալ (Դ. Դեմիրճյան):
18. Տիրապետել, տիրել, իր ենթակայության՝ տիրապետության տակ լինել: Ուրեմն ունենք զորական ուժեր և ռազմական նյութեղեն (Դ. Դեմիրճյան):
19. Ստացած՝ ձեռք բերած լինել, ընկալել, ընդունել: Քեզնից նամակ չունեմ այս 5-6 օր է (Վրթ. Փափազյան):

նբ. 1. Ստանալ, տիրանալ, տիրել, ձեռք բերել, ձեռք գցել: 2. Տես Ծնել: 3. Տես Պարունակել:

եցա 1. Иметь. 2. Располагать. 3. Обладать.