շրջանակի, [գոյական]
1. Մետաղյա՝ փայտյա՝ պլաստմասսայի ևն քառանկյունի, ձվաձև կամ կլոր շինվածք՝ մեջը որևէ բան հագցնելու և ամրացնելու համար: Նկարի՝ պատուհանի ապակու՝ պատվոգրի շրջանակ:
2. Նույնպիսի հարմարանք շինարարական նպատակների համար: Դռան՝ պատուհանի շրջանակ:
3. (տեխնիկա) Մեքենաների՝ գործիքների ևն կմախքի հիմնամասը: Դաշնամուրի՝ ավտոմեքենայի՝ հաստոցի շրջանակ:
4. Որևէ գրավոր տեքստի՝ պատկերի ևն շուրջը քաշված գունավոր շրջանակաձև գիծ: Գրքի բոլոր էջերի տեքստը բաց երկնագույն շրջանակների մեջ Է առնված:
5. Նկարի՝ տեքստի ևն շուրջը քաշած սև ժապավեն կամ սև գիծ որպես սգո նշան:
6. (փոխաբերական) Որևէ բանի սահմանները՝ ծավալը: Ելույթ ունեցողներից շատերը փորձեցին դուրս գալ բանավեճի առարկայի շրջանակներից:
7. (փոխաբերական) Վարքագծի՝ գործունեության ևն սահմանված նորմաներ, պայմանական կամ հասարակայնորեն ընդունված՝ սահմանված՝ հաստատված սահմանափակումներ: Պատժել կարելի է, անշուշտ, բայց մի՛ փորձի դուրս գալ օրենքի շրջանակներից: Պատշաճության շրջանակներ:
8. (փոխաբերական) Որևէ կարգի կապերով միմյանց հետ կապված մարդկանց խումբ, շրջան (7), միջավայր: Այդպես Էլ նրան չհաջողվեց մուտք գործել այդ մարդկանց շրջանակի մեջ:
9. Մետաղյա կամ փայտյա շրջանաձև գոտի՝ մեծ օղակ՝ զանազան գործածությունների համար, ինչպես և իբրև երեխաների խաղալիք: Տակառի շրջանակ: Փոքրիկը շրջանակին ետևեն վազելով հարթ ճամփուն վրա բավական հեռացավ (Լ. Շանթ):

գ. ա. 1. Շրջան, շրջագիծ, շրջանագիծ, բոլորակ, պարուրակ, պարույր: 2. Դատի, ծիր, կամար (աստղ.): 3. Երիզազարդ, զարդերիզ, շրջեզր: 4. Լուսապսակ (սրբի գլխի): 5. Փեղկ (պատուհանի): 6. Դող, անվադող (անիվի): 7. Խոզ (սլան): 8. Հեց, հևանք (անիվի ներքին): 9. Օղկապ (տակառի): 10. Շրջապատ, միջավայր, շրջան: 11. Հորիզոն (տեսողության), մտահորիզոն (մտքերի):

ի 1. Рама, рамка. 2. Оправа. 3. Обод, обруч. 4. Круг. 5. (փխբ.) Рамки, пределы, границы.