պատյանի, [գոյական]
1. Տուփ՝ արկղ (արկղիկ), պարկ ևն որևէ իր (գործիք, նվագարան ևն) մեջը դնելու և պահելու կամ փչանալուց՝ վնասվելուց՝ փոշոտելուց պահպանելու համար: Գուսանապետը պատյանից հանեց բամբիռը (Դ. Դեմիրճյան):
2. Սրի՝ թրի՝ դաշույնի ևն նույն նպատակին ծառայող հարմարանք: Սուրը պատյանից հանել:
3. Որոշ պտուղների կամ սերմերի պինդ կեղևը՝ արտաքին կարծր ծածկույթը: Հիմա ինչքա՜ն սերմեր են պատռում իրենց պատյանը և ծիլեր ձգում (Ա. Սեկոյան):
4. Ատրճանակի կաշվե կամ փայտյա տուփ: Նագանի մաուզերի պատյան:
5. Առհասարակ՝ որևէ բանի արտաքին ծածկույթ (կեղև, պատիճ ևն): (Եգիպտացորենի ցողուններից) յուրաքանչյուրի վրա կար երեք-չորս կողր՝ ուռած պատյաններով (Ս. Խանզադյան): Ձվի պատյան:
6. Նույնն է՝ Ագուստ (2):
7. Փայտից կամ երկաթից պատրաստված ծածկույթ՝ տուփ ևն՝ մեխանիզմների, մեքենաների կամ նրանց մասերի մեկուսացման ու պահպանման համար:
8. Փափկամարմինների խեցի:
9. Առհասարակ՝ կենդանիների արտաքին կարծր (կամ փշապատ) ծածկույթ: Կրիայի պատյան:
10. (կենսաբանություն) Մարմնի օրգանները պատող թաղանթը, թաղանթ:
11. (փոխաբերական) Որևէ բան պատող արտաքին շերտ՝ ծածկույթ: Հնարավոր Է, որ դրանք (Սատուրնը և Յուպիտերը) ծածկված լինեն սառցային հաստ կեղևով, որը Երկրի դիտորդներից թաքնված Է գազե պատյանով (Ժ. Պիկար):
12. (փոխաբերական) Որևէ բանի արտաքին ձև՝ կաղապար: Ամեն մի նոր գիտելիք մեզ ներկայանում Է նախկին փորձի բացատրությանը հարմարված հին հասկացողությունների պատյանում (Ն. Բոր):

գ. 1. Կեղև, բոժոժ (շերամի), պաճ, պարկուճ (ընդեղենի), պատիճ (հունդի), խճեճ (բամբակի), կոտ, խեցի (կրիայի, ոստրեի), տիփ, խեփուր (խեցգետնի): 2. Թափ (ատրճանակի):

ի 1. Ножны. 2. Кобура. 3. Оболочка. 4. Панцирь. 5. Раковина. 6. Кожух. 7. Футляр. 8. Скорлупа. 9. Кожура. ♢ (Սուրը) պատյանից հանել обнажить меч. (Սուրը) պատյանը դնել вложить меч в ножны.